ខេត្តកែប៖ កាលពីថ្ងៃទី៥ ខែឧសភា ឆ្នាំ២០១៧ វេលាប្រហែលជាម៉ោង២រសៀល សាលាក្រុងដែលស្ថិតនៅ ភូមិកែប សង្កាត់ក្រុងកែខេត្តកែបបានប្រារព្ធពិធីរំលឹកខួបអនុស្សាវរីយ៍លើកទី១៣១នៃទិវាពលកម្មអន្តរជាតិក្រោមប្រធានបទ<<ដើម្បីសន្តិភាព ការងារ មុខរបរ និងការអភិវឌ្ឍន៍ >>ក្រោមការអញ្ជើញចូលរួមពីសំណាក់ឯកឧត្តម កែន សត្ថា ជាអភិបាលនៃគណៈអភិបាលខេត្តកែប ឯកឧត្តម សោម ពិសិដ្ឋ ជាគណៈអភិបាលរង មន្រ្តីរាជការ អាជ្ញាធរមូលដ្ឋាន ប្រជាពលរដ្ឋ កម្មករ កម្មការីនី សិស្សនិស្សិតនៃសាលាបច្ចេកទេសដុន បូស្កូ ខេត្តកែប សរុប ប្រមាណជាង៤០០នាក់។
គួរបញ្ជាក់ផងដែរថា ឯកឧត្តម កែន សត្ថា បានសំណូមពរឲ្យ អ្នកដែលបានចូលរួមក្នុងកម្មវិធីទាំងមូលក៏ដូចជាប្រជាពលរដ្ឋទាំងអស់ សូមជួយចូលរួមគោរពច្បាប់ចរាចរណ៍ក្នុងគោលបំណងសុខសុវត្តិភាពទាំងអស់គ្នារួច ហើយក៏មានការចែកអំណោយជូនទៅដល់សិស្សនិស្សិត បុគ្គលិក និង អ្នកដែលបានចូលរួមទាំងអស់ជាវត្ថុអនុស្សាវរីយ៍ផងដែរ៕
